Kjo mbrëmje i kushtohet poezisë dhe letërsisë franceze, duke sjellë përmes interpretimit veprat e disa prej autorëve më të rëndësishëm francezë, si Jacques Prévert, Paul Éluard, Arthur Rimbaud, Charles Baudelaire, Paul Verlaine dhe Simone de Beauvoir. Përmes fjalës artistike dhe interpretimit skenik, publiku do të përjetojë një udhëtim poetik mbi tema universale si dashuria, liria, bukuria dhe ndjeshmëria njerëzore

Kolektivi artistik Tony Clifton Circus sjell performancën Mission Roosevelt, e cila zhvillohet në hapësirat publike të Tiranës. Përmes një eksperience unike, performanca fton publikun të reflektojë mbi çështje si aftësia e kufizuar, aksesueshmëria dhe përfshirja sociale, duke ndërthurur teatrin, artin performativ dhe ndërveprimin me publikun.

WALL FOR ALL është një aktivitet interaktiv që bashkon graffitin, shprehjen e lirë dhe intervistat e shkurtra me publikun. Kalimtarët ftohen të lënë një ngjyrë, një fjalë ose një mesazh në një mur të hapur dhe të ndajnë mendimet e tyre përmes mikro-intervistave. Aktiviteti synon të promovojë kreativitetin, dialogun dhe lirinë e shprehjes në hapësirën publike. Benjamin Locatelli është një artist graffiti-t, i cili zbuloi pasionin e tij për këtë formë arti në moshën 13-vjeçare dhe e ka kthyer atë në mjetin e tij kryesor të shprehjes artistike.

Eventi do t’i ofrojë publikut mundësinë të ndjekë në ambient të hapur tre prej veprave më ikonike të repertorit të Baletit të Operës Kombëtare të Parisit: Who Cares?, Boléro dhe The Seasons’ Canon. Përmes interpretimeve të balerinëve të një prej trupave më prestigjioze të baletit në botë, publiku do të përjetojë kryevepra të koreografisë bashkëkohore nga George Balanchine, Maurice Béjart dhe Crystal Pite.

Eventi do të përmbyllë Javën Kulturore Franceze me një koncert në ambient të hapur nga grupi francez Nouvelle Vague, i njohur ndërkombëtarisht për interpretimet origjinale të klasikëve post-punk dhe new wave në ritme bossa nova dhe aranzhime akustike. Në atmosferën unike të Kalasë së Rozafës, publiku do të përjetojë një mbrëmje muzikore me një prej grupeve më të njohura të skenës bashkëkohore franceze.