“Canzone Italiana” risjell këngët klasike italiane në një stil modern jazz dhe soul, të interpretuara nga Giovanna Magro me Carlo Proto në kitarë, duke ndërthurur ndikime mesdhetare dhe ballkanike.

“Canzone Italiana” risjell këngët klasike italiane në një stil modern jazz dhe soul, të interpretuara nga Giovanna Magro me Carlo Proto në kitarë, duke ndërthurur ndikime mesdhetare dhe ballkanike.

Një mbrëmje muzikore nën tingujt e jazz-it italian me koncertin e Mario Biondi, një prej zërave më të njohur të skenës muzikore italiane. Koncerti sjell një udhëtim në repertorin e këngëve më të dashura italiane, duke krijuar një atmosferë emocionale dhe elegante. Biletat mund t’i gjeni pranë biletarisë së TKOBAP-së, nga e hëna në të diel, sipas orarit:* 10:00–14:00 dhe 16:00–20:00* Ditën e shfaqjes: 10:00–14:00 dhe 16:00–18:30

Ekspozita retrospektive “Gaetano Pesce: Drawing Life” sjell për herë të parë në Shqipëri veprën e Gaetano Pesce, një prej figurave më të rëndësishme dhe jokonvencionale të arkitekturës dhe dizajnit italian dhe ndërkombëtar. Përmes kësaj ekspozite, publiku do të ketë mundësinë të njohë universin krijues të artistit, të karakterizuar nga liria artistike, eksperimentimi dhe qasja inovative ndaj formës dhe materialeve.

“Aspettando Domani” është një koncert teatror në nder të Lucio Dalla-s, që ndërthur muzikën dhe rrëfimin për të risjellë jetën dhe karrierën e tij. Pas suksesit në teatrot italiane, shfaqja vjen tashmë edhe në Shqipëri.

Dokumentar i dedikuar arkivit të Fondacionit dhe studios së Renzo Piano-s. Përmes skicave, vizatimeve, maketeve dhe dëshmive të bashkëpunëtorëve, filmi eksploron procesin krijues dhe vlerën e kujtesës në arkitekturën bashkëkohore. Aktiviteti realizohet në bashkëpunim me Fakultetin e Arkitekturës të Universitetit Katolik “Zoja e Këshillit të Mirë”.

“10 corti in giro per il mondo” – Shfaqje e filmave të shkurtër italianë, ndër veprat më interesante dhe më të reja të skenës kinematografike. Në bashkëpunim me Qendrën Kombëtare të Filmit të Shkurtër, prezantohen filma të shkurtër që variojnë nga komedia te drama dhe dokumentari, për të zbuluar Italinë përmes kinemasë bashkëkohore.

Kjo shfaqje tradicionale e teatrit sicilian të kukullave sjell një episod magjepsës nga “Orlando Innamorato”, me titull “Mashtrimi i Angelikës”. Përmes rrëfimit mjeshtëror dhe kukullave të punuara me dorë, shfaqja sjell në skenë tema si dashuria, dinakëria dhe kalorësia. Performanca prezantohet nga “La Compagnia dei Pupari Vaccaro-Mauceri”, një trupë e njohur e Opera dei Pupi nga Sicilia, e cila ruan dhe promovon një nga traditat më ikonike të rrëfimit artistik italian.

Mario Venuti & Quartet do të performojnë në Vlorë për të festuar 80-vjetorin e Republikës Italiane. Një udhëtim muzikor me Mario Venuti-n përgjatë 30 viteve të karrierës së tij, nga hitet e Sanremos deri te këngët ikonike të verës italiane.