Java kulturore japoneze çelet me një workshop mbi traditën kulinare, ku një chef i mirënjohur do të përgatisë pjata tipike të kulturës dhe traditës japoneze. Ky event është një mundësi shumë e mirë për të thelluar njohuritë tuaja mbi teknikat dhe përbërësit unikë të kësaj kuzhine.

Ceremonia e çajit është një traditë e lashtë dhe përfaqësuese e kulturës japoneze. Në këtë event do të keni mundësinë të vëzhgoni nga afër një grup mjeshtrash të ceremonisë së çajit në veprim, të shijoni çajin tradicional si dhe të njiheni me ritualet e tij të veçanta të përgatitjes dhe konsumimit.

Kreativiteti dhe tradita do të bashkohen në workshopin e origamit, pjesë e Javës së Kulturës Japoneze! Ky aktivitet është një mundësi e shkëlqyer për të zbuluar artin e palosjes së letrës, një traditë që ka ekzistuar për shekuj me rradhë dhe që vazhdon të frymëzojë njerëzit në të gjithë botën.

Përtej stereotipeve - është ky qëllimi i këtij simpoziumi, i cili do të përfshijë diskutime dhe prezantime të individëve që kanë qenë ose kanë studiuar në Japoni. Ata do të ndajnë përvojat e tyre, duke theksuar diferencat midis stereotipeve për Japoninë dhe realitetit të jetesës aty. Ky event do të ofrojë edhe informacion praktik mbi programet e studimeve jashtë.

Një event emocionues në kuadër të Javës Kulturore Japoneze! Turneu i Karates
dhe Judos do të zhvillohet në Parkun Olimpik, ku do të keni mundësinë të
shihni artet marciale me teknikën e tyre të jashtëzakonshme dhe disiplinën
që karakterizon këto sporte.