Eventi i promovimit të letërsisë kinezë paraqet një përzgjedhje të botimeve në gjuhën shqipe të librave kinezë, duke evidentuar rezultatet e bashkëpunimit Kinë–Shqipëri në fushën e botimeve gjatë viteve të fundit. Ky aktivitet do t’u ofrojë lexuesve shqiptarë mundësinë të njihen me historinë, kulturën, letërsinë dhe traditat e pasura të Kinës.

Aktiviteti bashkon trajnerë kinezë të tenisit të tavolinës me sportistë të rinj shqiptarë dhe adhurues të këtij sporti. Përmes demonstrimeve dhe seancave praktike, pjesëmarrësit do të kenë mundësi të mësojnë teknika profesionale dhe të përjetojnë nga afër emocionin e pingpongut. Feng Zhe, Profesor i asociuar dhe ish-trajner i Ekipit Kombëtar Kinez të Tenisit të Tavolinës, do të ndajë eksperiencën dhe njohuritë e tij me pjesëmarrësit.

Shfaqja sjell tre lloje kukullash tradicionale kineze: me fije, me dorë dhe me shkop. Përmes tregimeve plot humor dhe mjeshtëri, publiku do të shijojë “Mbreti Majmun dhe Kung Fu-ja”, “Stërvitja e Majmunit”, “Përballja e Kukullave” dhe “Ndryshimi i Fytyrës”. Shfaqja përfshin edhe lojëra me publikun, ndërsa një kloun kujdeset për atmosferën dhe ndërveprimin me spektatorët.

XU QUINTET është një formacion i njohur i jazz-it kinez dhe ndërkombëtar, që ndërthur muzikën tradicionale kineze me jazz-in bashkëkohor. Përmes melodive tradicionale, ritmeve moderne dhe improvizimit, grupi krijon një dialog muzikor mes traditës lindore dhe jazz-it perëndimor. Ky koncert është pjesë e International Jazz Festival në Shqipëri.