Pjesë e Javës Kulturore Kineze, ekspozita MIQTË/ ART & HISTORI sjell së bashku artistë kinezë dhe shqiptarë për të eksploruar rëndësinë dhe simbolikën e ngjyrave në kulturën kineze dhe ndikimin e tyre në artin e përbashkët. Këto vepra të realizuara në mediumin e akuarelit , nga mjeshtrat botëror të njohur kinezë, si Liu Yi, Zhou Tianya, LI Xiaocheng , Rick Huang, Wang Hai Tao , Hu Xiaoxing etj, na sjellin afër natyrën, folklorin dhe peizazhin kulturor. Bashkohuni me ne për të përjetuar një festë të ngjyrave dhe kreativitetit që lidh dhe frymëzon.

Muzika është një nga elementët dallues dhe të spikatur të trashëgimisë kulturore kineze, e cila karakterizohet nga ritmet, meloditë dhe instrumentet unike të transmetuara brez pas brezi. Ky koncert muzikor realizohet në nder të 75-vjetorit të Krijimit të Marrëdhënieve Diplomatike midis Kinës dhe Shqipërisë dhe do të performohet nga artistët e Teatrit Kombëtar të Operës dhe Dramës së Kërcimit të Republikës së Kinës.

Java Kulturore Kineze në Shqipëri, sjell një përvojë unike gastronomike me festivalin e ushqimeve kineze. Ky event do të ofrojë një gamë të gjerë pjatash tradicionale kineze, punime artizanale, lojëra argëtuese, demostrime të kaligrafisë kineze, perfomancë muzikore me Guzheng, një instrument tradicional kinez etj, për të eksploruar dhe përjetuar pasurinë e shijeve dhe traditave që karakterizojnë këtë kulturë të pasur.