“Ad Gloriam Brass” është një nga ansamblet më të njohura të tunxhit në Kroaci, i themeluar në vitin 1993 dhe i përbërë nga gjashtë muzikantë të shquar të orkestrave kryesore të Zagrebit. Ansambli do të prezantojë një koncert njëorësh me muzikë klasike, kolona zanore filmash dhe muzikë të njohur, përmes aranzhimeve të veçanta për instrumente tunxhi. 

Teatri Gavran do të prezantojë “Kafe në mesditë”, një vepër e dramaturgut të njohur kroat Miro Gavran, që trajton me ngrohtësi dhe humor marrëdhënien mes një nëne dhe djalit të saj përgjatë më shumë se njëzet vitesh. Në shfaqje interpretojnë Mladena Gavran dhe Vedran Komerički. 

Fjalori Juridik Kroato-Shqiptar, i botuar në vitin 2024 në Velika Gorica, është një kontribut i rëndësishëm në zhvillimin e terminologjisë juridike dhe bashkëpunimit ndërmjet Shqipërisë dhe Kroacisë. Fjalori është hartuar nga Armenda Amiti, me bashkautorë Elita Zenuni dhe Prof. Dr. Driton Haruni. Prezantimi do të zhvillohet me pjesëmarrjen e autores dhe njërit prej bashkautorëve, në shqip dhe anglisht, sipas formatit të dakordësuar me organizatorët.

Qyteti i Pagut do të prezantojë trashëgiminë kulturore dhe gastronomike përmes muzikës, valleve tradicionale, kostumeve folklorike, punimit të dantellës dhe produkteve lokale. Programi do të promovojë Pagun si destinacion kulturor dhe turistik dhe duke forcuar shkëmbimin kulturor mes Kroacisë dhe Shqipërisë.